Lain na usab nga bagyo nga ginganlag Haiyan ang gikahadlokang mutamparos sa kamad-an ug gituohang muabot sa atong teritoryo sa Myerkules sa gabie. Matod pa sa PAGASA, ang Supertyphoon nagpadayon nga nagdagan paingon sa Kasadpan ug duol na gayod kaayo sa Pilipinas.
As of 7 AM PHTime (Nobyembre 7)

As of 9:10 AM PHTime (Nobyembre 7)

Nagdagan sa kusog nga 30 kilometros kada oras, ang nahisgutang bagyo, matod pa sa Pagasa gituohang muigo sa Subangang bahin sa Visayas karong Byernes, Nobyembre 8, 2013. Matod pa sa taho, direkta kining makaapekto sa Visayas ug pati pa sa Luzon ug Mindanao.

Bagyong Haiyan

Sa kasamtangan, matod pa sa Pagasa, kining bagyoha dunay maximum nga gikusgon nga 215 kilometros kada oras ug may huros nga muabot sa 250 kilometros kada oras ug gi nganlan nag Yolanda karon nga kini niabot dinhi sa atong nasud.

Sa kuha nga larawan bag-ohay pa lamang gikan sa weather satellite na makita sa www.wunderground.com, makita nato nga ang nahisgutang bagyo dunay dako kaayo nga matabunan. Gani pa, ang kadak-on niini mas labaw pa sa kadakon sa tibook isla sa Mindanao. Tungod niini nagpabili ang bagyong Haiyan nga laing hulga sa kinabuhi sa mga tawo sa tunga tungang bahin sa Visayas, sa habagatang silangan sa Mindanao ug sa timog silangan nga bahin sa Luzon.
At 1:06 PM PHTime
Typhoon Yolanda
At 8:30 PM PHTime
Typhoon Yolanda
At 12:03 AM PHTime (Nobyembre 7)
Typhoon Yolanda
At 8:48 AM PHTime (Nobyembre 7)
Bagyong Yolanda
Giabisohan ang mga tawo nga ana nagpuyo sa baybahon sa pagtahin sa ilang pamilya. Gituohan usab nga dunay mahimong pagdahili sa yuta tungod kay dunay pagtaas sa tubig nga muabot sa 10-30 milimetros kada oras. Ang tanang panggobyerno nagawhag sa mga maapektuhang mga munisipyo sa pagpatahin dili lamang sa mga tawo nga duol sa baybayon kundili pati na kadtong anaa sa taas o ubos sa pangpang tungod sa gikahadlokan nga pagkaanas sa yuta.

Dugang update:

Gisugdan na ang mga pagpatahin sa mga tawo sa lain laing parte sa nasud tungod sa makuyaw nga Category 5 Super Typhoon nga may dagan nga 20 ngadto sa 30 ka oras.

Matod pa, ang Haiyan usa ka pinulongang Tsino nga nangahulugan sa gitawag nga petrel seabird. Ang Haiyan mao ang ika upat nga Category 5 nga bagyo nga miigo sa Sagpanang parte sa Pasipiko karong tuiga ug ang ikalima nga miigo sa kalibotan niining maong tuig.

Sumala sa mga bangiitang meteorologist sa kalibutan, kining bagyoha mutulak sa dagkong balod paingon sa baybahon ug mupulpog sa mga mahimong maagian niini. Makita sa satellite nga kining maong dakong bagyo dunay mata nga may gidak-on nga diametro nga katorse ug tunga (14.5) ka kilometros. Mao kini ang gilantaw nga maulanan sa sunod nga mga adlaw:

rainfall